«Алтын Гефест» конкурсын өткізу тау-кен металлургия саласының мамандары үшін өзін танытудың бірегей мүмкіндігі болып табылады. Құжаттарды тапсырудың қарапайым рәсімі елдің жер қойнауын игеруге үлес қосқандардың барлығына конкурсқа қатысуға мүмкіндік береді. Байқау нәтижелерін күту қатысушы үшін әрқашан қызықты сәт болып табылады, әсіресе сіздің бүкіл өміріңізді арнаған мамандығыңызға қатысты болғанда. Биылғы жылы Баку қаласындағы университетті бітіргеннен кейін Қазақстанға жолдама бойынша жас маман ретінде келгеніме тура 40 жыл толады. Мен геологпын және әрдайым өз кәсібімді мақтан тұтамын, өйткені мен барлау жұмыстарының сала мен ел үшін рөлі мен маңыздылығын терең түсінемін.

Маған марапаттау рәсімін ұйымдастырудың жоғары деңгейі қатты ұнады, онда саланың басшылары сала өкілдері мен шетелдік қонақтардың қатысуымен салтанатты жағдайда ардақты мүсіншелерді табыстады. Марапаттау рәсімінің Мәдени бағдарламасы ерекше әсерлі болды. Мен үшін үлкен жағымды тосын сый болған марапаттан кейін маған конгресстің қазақстандық қатысушылары ғана емес, сонымен қатар көптеген шетелдік қонақтар келіп, марпатпен құттықтады. Әрине, марапатқа ие болу жақсы, бірақ бұл адамға ерекше жауапкершілік жүктейді және мен байқау жеңімпазының жоғары мәртебесін одан әрі ақтай аламын деп үміттенемін.

Конкурсты ұйымдастырушыларға оған қатысу мүмкіндігі және іс-шараны өткізудің жоғары деңгейі үшін, және конкурстық комиссия мүшелеріне менің еңбегімді жоғары бағалағаны үшін алғысымды білдіргім келеді.

Құрметпен, Низами Джафаров

Байқауды ұйымдастырушыларға оған қатысу мүмкіндігі үшін, әсіресе, менің еңбегімді жоғары бағалағаны және «Алтын Гефест» сыйлығын ұсынғаны үшін өте ризамын.

Күн сайын өз жұмысымызды орындай отырып, біз кейде еліміздің игілігі үшін жұмыс істей отырып, қаншалықты маңызды миссияны орындайтынымызды ұмытып кетеміз және біздің мысал жас ұрпаққа қиын, бірақ бұл сөзден қорықпаймын, патриоттық мамандықты таңдауға түрткі бола алады.

Байқаудың барлық жеңімпаздарына Отанымыздың даңқы үшін игі істерін жалғастыруларын, ал ұйымдастырушыларға – жаңа қызықты жұмыстар мен лайықты жеңімпаздарды тілеймін!

Қасымбеков Бексұлтан Жұмаділдәұлы

Балхаш мыс балқыту зауытының бас инженері, «Kazakhmys Smelting» ЖШС.

2019 жылғы 12 маусымда Халықаралық тау-кен металлургия АММ 2019 конгресі аясында жыл сайынғы «Алтын Гефест 2019» конкурсы өткізілді.

МШКҚӨ ҰО өзінің ғылыми әзірлемелерін Қазақстанның, жақын және алыс шетелдердің тау-кен металлургия кәсіпорындарына енгізу циклі үшін «инновациялар бойынша Жыл көшбасшысы» номинациясы бойынша сыйлықпен марапатталды.

Алтын Гефестті ҚР ИИДМ жауапты хатшысы Мереке Құдайбергенұлы Пішембаев МШКҚӨ ҰО Бас директоры Әбдірәсіл Алдашұлы Жәрменовқа салтанатты түрде табыс етті.

Біздің ғылыми орталығымыз «инновациялар бойынша жыл көшбасшысы» циклінде атап өтілгеніне өте қуаныштымын. Өйткені, ғылымның дамуы ғана біздің қазіргі қоғамымыздың дамуына әкеледі.

Құрметпен, Ляззат Шамганова

Д.А. Қонаев атындағы ТІИ ғылыми жұмыс бойынша директорының орынбасары, ҚР ҰҒА мүшесі, т.ғ.д.

Бүгінде мыңдаған мектеп түлектері болашақ мамандығы туралы шешім қабылдады немесе әлі де іздеуде. Көптеген мамандықтардың ішінде бірнеше мыңжылдықтар бойы адами өркениеттің дамуын анықтайтындар да бар. Олардың бірі - аңыздармен көмкерілген металлург мамандығы, ол қорықпауды, ерекше ерік-жігерді, табандылықты, білім мен тәжірибені қажет етеді. Бұл мамандық біздің Тұңғыш Президентіміз – Елбасы Н.Ә. Назарбаев үшін өмірге жолдама болғаны кездейсоқ емес. Отпен және металмен байланысты мамандықты құрметтеу Кузнецов (ұста) (Смит, Шмидт, Ковальский және т.б.) тегі әлемдегі ең көп таралғандардың бірі екендігінде көрінеді.

Металлургия – мыңдаған жылдар тәжірибесін жинақтаған және Цифрландыру дәуірінде әлі де сұранысқа ие күрделі процесс. Бұл ғылымның, үздік тәжірибелердің және жоғары өнердің бірігуі. Сондықтан, металлургтердің өздерінің «Оскар» – Алтын Гефест конкурсы бар.

Мен инженер-металлург болуыма өте бақыттымын, өйткені 38 жыл бойы Қарағанды мемлекеттік техникалық университетінде заманауи өндірістің технологиялық міндеттерін шеше алатын инновациялық ойлауы бар бәсекеге қабілетті инженерлерді даярлау бойынша жұмыс істеймін.

Қазіргі уақытта университетте тау-кен металлургия бағытында 900-ден астам студент оқиды. Марапаттау рәсіміне қатысушы ретінде мені «Алтын Гефест» сыйлығының бүкіл әлемге танылғаны қуантады. Мерейтойлық республикалық салалық конкурстың жеңімпаздарын марапаттауды ұйымдастырушылар заманауи технологияларды – креативті әзірленген бағдарламаны қолдана отырып, іс-шараны тамаша өткізді. Көптеген достар таптым. Бәрі керемет болды, мереке үшін рахмет!

Исагулов Аристолель Зейнуллинович

ҚарМТУ бірінші пророекторы, т.ғ.д., профессор, ҚазҰТҒА академигі.

Тау-кен металлургия секторы мемлекеттің экономикасы мен дамуында ерекше рөл атқарады. Қазақстан Менделеев кестесінің барлық элементтеріне ие бола отырып, тәуелсіздіктің барлық жылдарында пайдалы қазбаларды белсенді түрде өндіреді және өңдейді.

Әрине, мұның артында біздің кеншілеріміздің, байытушылардың, металлургтердің және тау-кен металлургия кешенінің барлық қызметкерлерінің орасан зор еңбегі тұр. Көп жағдайда олар күнделікті жұмыс істейтін қарапайым еңбек адамдары. «Алтын Гефест» сияқты салалық байқаулардың арқасында біз олар туралы көбірек біліп қана қоймай, олардың жұмысын ұлттық деңгейде атап өту құрметіне ие боламыз.

Мен елдің көптеген шахталарына түсіп, әртүрлі кеніштерге бардым. Біздің команда көрерменге арнайы репортаждар мен деректі фильмдер арқылы кеншілердің жұмысын көрсетуге тырысты. Фильмдердің бірі «26-й элемент» деп аталды, онда көрермен темір рудасы алыбы – Соколов-Сарыбай тау-кен байыту өндірістік бірлестігінің қызметімен танысты.

Бұл фильм «ТМК туралы ТВ ең үздік журналистік жұмыс» номинациясы бойынша «Алтын Гефест» сыйлығына ие болғаны қуантады. Бізге мерейтойлық мүсіншенің берілгені өте жағымды. «Алтын Гефест» сыйлыған алу бізге одан әрі дамуға серпін беріп қана қоймай, сонымен қатар ұлттық салалық конкурстың үмітін ақтау үшін үлкен жауапкершілік жүктейді.

Iteca көрме компаниясына байқауды ұйымдастырудың жақсы деңгейі үшін алғысымды білдіргім келеді. Байқау барысында ақпараттық технологиялардың қолданылуын, гала-рәсімнің шапшаңдығы мен тамаша ұйымдастырылуын ерекше атап өтемін. Барлық ұйымдастырушыларға алғыс айтамын және жаңа іс-шараларға сәттілік тілеймін!

Азғанбаев Жалғас Базарбайұлы

Мен үшін «Алтын Гефест» байқауына қатысу қызықты әрі әсерлі болды. Түлек студент ретінде менің жұмысымды сарапшылардың бағалауы және «үздік дипломдық жұмыс» марапатын алу орындалған жұмыстың көрсеткіші болды.

«Алтын Гефест» байқауы мені келесі жобаға кірісуге шабыттандырды, ол үшін мен өте ризамын. Менің ойымша, мұндай конкурстар тау-кен саласының мамандарын ынталандырады және одан әрі дамуға сенімділік береді.

Марапаттау рәсімін қоса алғанда, байқау жоғары деңгейде өткенін атап өткім келеді, бұған қатысушылардың жарқыраған көздері мен қуанышы дәлел. Ұйымдастырушыларға шабыттандыратын кеш үшін алғыс айтамын және өркендеу мен табыс тілеймін!

Маденова Еркежан Кенжебеккызы

Назарбаев Университеті, Факультет: Тау –кен ісінің мектебі және Жер туралы ғылым